கதவு

ஒரு சிறிய இடைவேளை

2004-05-24T04:37:00.000-07:00

பணி நிமித்தமாக சனி இரவு அமெரிக்கா புறப்படுகிறேன். முதலில் வட கரோலினாவில் உள்ள சார்லட் நகரத்தில் பத்து நாட்கள் வேளை. பிறகு சிகாகோவில் ஒரு மாதம் என்று மொத்தம் நாற்பது நாள் பயணம். மேலும் நீட்டிக்கப்படலாம் என்று பயமுறுத்தல் வேறு. பொண்டாட்டி புள்ளைய விட்டுட்டு அவ்வளவு நாள் அங்கே இருக்க முடியாதென்று மறைமுகமாகவும் நேரடியாகவும் பலமுறை சொல்லியாச்சு. பொறுத்திருந்து தான் பார்க்கனும். அங்கே போனாத்தான் முழு நிலவரமும் தெரியவரும். ஆனா ஒன்னு, வேளை பெண்டு கழண்டுவிடும்ன்னு மட்டும் தெளிவா தெரியுது.

ஆகவே நண்பர்களே, இந்த இடைவேளை ஜுலை முதல் வாரம் வரை நீட்டிக்கப்படுகிறது. ஆனா நடுவில் நேரம் கிடைக்கும் பொழுது எழுதுவேன். அதனால அப்பப்ப வந்து எட்டிப் பாருங்க...

வர்ட்டா!!

மைக்கெல் ஜோர்டான் - மென்பொறியாளன்

2004-05-13T04:42:00.000-07:00

"I have missed more than 9,000 shots in my career. I have lost almost 300 games. On 26 occasions I have been entrusted to take the game winning shot... and I missed. I have failed over and over and over again in my life. And that's precisely why... I succeed."

Michael Jordan
(1993 - American Basketball Player, Actor)

இதுவே அவர் ஒரு மென்பொறியாளனாக இருந்தால் என்ன சொல்லியிருப்பார் என்று ஒரு சின்ன (சுட்ட!!) கற்பனை

"I have corrupted more than 9,000 programs in my career. I have crashed almost 300 computers. On 26 occasions I have been entrusted to deliver program on deadline... and I missed. I have failed over and over and over again in my life. And that's precisely why... I am still here !!! "

Michael Jordan
Software Engineer
(Further description not necessary)

நாயுடுகாரு என்ன செய்துகொண்டிருப்பார்??

2004-05-13T02:13:00.000-07:00

தேர்தல் முடிவுகள் வெளிவந்து கொண்டிருக்கிறது. ஆந்திராவில் நாயுடுகாருக்கு சரி அடி. சரி சட்டமன்றம் தான் போயிடுச்சு, மக்களவை ரிசல்ட் வரட்டும்ன்னு இருந்தவரை தலையில தட்டி வீட்டுல உட்கார வைத்துவிட்டார்கள். வீட்டுல என்ன பன்றார்ன்னு எட்டி பார்த்தா....

அட அதை ஏன் கேட்கிறீங்க. அதான் போட்டோ புடிச்சி போட்டிருக்கோம்ல்ல நீங்களே பாருங்க

பாவம் அடைச்சு வைக்கிற அளவுக்கு அவர்கிட்ட MLA இல்லையாம்...அதான் இப்படி :)

Which Movie Do u belong in??

2004-05-10T04:02:00.000-07:00

இன்னைக்கு பால சுப்ரா தன் வலைப்பதிவுல முயற்சி செய்து பார்க்க சொல்லி ஒரு quiz URL கொடுத்திருந்தார். சரி காசா பனமா முயற்சி செய்வோமே என செஞ்சதில், முடிவு என்னை வியப்பில் ஆழ்த்தியது.

Power Rangers Movie!

What movie Do you Belong in?(many different outcomes!)
brought to you by Quizilla

முதல் வரி சரியா, தப்பான்னு எல்லாம் தெரியாது. ஆனா கடைசி வரி முற்றிலும் உண்மை. என் நண்பர்கள் அனைவரும் சொக்கத்தங்கம். நன்றி பாலா :)

வலைப்பூவுல error??

2004-05-10T03:18:00.000-07:00

வலைப்பூவில் கருத்து தெரிவிக்க இன்று பிரம்மப் பிரயத்தனம் செய்தும் என்னால் முடியவில்லை. இந்தியாவில் BSNL தொலைபேசியில் எப்ப டயல் செஞ்சாலும் "இந்த வழித்தடத்தில் உள்ள அனைத்து எண்களும் உபயோகத்தில் உள்ளது, தயவு செய்து சிறிது நேரம் கழித்து டயல் செய்யவும்" அப்படின்னு ஒரு அம்மா தன் இனிமையான் குரலில் வருத்தப்பட்டுக் கொண்டிருக்கும். அதே மாதிரி "இங்கயும் கொஞ்ச நேரம் கழிச்சு கருத்து போடுங்கன்னு" சொல்லுது. கருத்து தெரிவிக்க கூட நல்ல நேரம், ராகு காலம், எம் கண்டம்னு எல்லாம் பார்க்க வேண்டியிருக்கு. காலையிலிருந்து அரை மணி விட்டு, ஒரு மணி விட்டு என்று விட்டு விட்டு முயற்சி செய்து பார்த்தாச்சு. ஒன்னும் வேளைக்காகிற மாதிரி தெரியல. கிளிப்பிள்ளை மாதிரி சொன்னதையே திரும்ப திரும்ப சொல்லி கொண்டிருக்கிறது.

இது வலைப்பூவுல மட்டுமான பிரச்சனையா இல்லை யாழ்.நெற் 'ன் பிரச்சனையா என்று திடிரென சந்தேகம் வர ராஜாவின் வலைப்பதிவிற்கு சென்று முயற்சிசெய்து பார்த்தேன். அங்கு வேலை செய்வது வலைப்பூவுல மட்டும் ஏன் செய்யமாட்டேங்குது??
ஒருவேளை என்னை abusive user லிஸ்ட்ல சேர்த்துடிங்களா? யாராக இருந்தாலும் தயவு செய்து என் பெயரை அந்த லிஸ்டிலிருந்து நீக்கிடுங்கப்பா, நான் ரொம்ப நல்ல பையனாக்கும். :). ஐய்யா
ஆசிரியரே, கடவு சொல்லை மட்டும் தான மாத்திவிட்டிங்க?? கொஞ்சம் என்ன பிரச்சனைன்னு பார்த்து சொல்லுங்களேன்.

உங்க பதிவுக்கான கருத்தை இங்க போடுறேன்...

தீபாவளிக்கு என் அட்வான்ஸ் வாழ்த்துக்கள். தீபாவளி எப்பன்னு முன்கூட்டியே சொன்னா வர்ஷாக்கு இந்தியாவிலிருந்து நிறைய பட்டாசு (வெடி) வாங்கி அனுப்பறேன் ;)

இந்த தம்மாத்துண்டு கருத்துக்கு தான் இவ்வளவு ஆட்டமான்னு கேட்கிறீங்களா?? என்ன பண்றது, இதை போடக்கூட முடியலையே!!

கணக்கு பாடம்

2004-05-07T02:03:00.000-07:00

மற்றுமொரு படக்காட்சி

2004-05-05T05:58:00.000-07:00

ஏன்டா இப்படி புகைப்படமா வலைபதிஞ்சு பயங்கரமா படம் போடுறன்னு நீங்க அங்கெயிருந்து கத்துறது இங்கே நல்லாவே கேட்குது. என்னங்க பன்றது, வேலைப்பளு அதிகம்...கிடைக்கிற கொஞ்ச நேரத்தையும் உங்க வலைபதிவையெல்லாம் படிக்கறதுக்கு தான் சரியாயிருக்கு. போன வார வலைப்பூ ஆசிரியர் கண்ணன் சொன்ன மாதிரி இதெல்லாம் மென்பொறியாளனின் கஷ்டங்கள். சரி அதிகமா படம்போடாம எனக்கு புடிச்ச ரெண்டு படத்தை மட்டும் போட்டுட்டு மத்த படங்களுக்கு சுட்டிய கொடுத்துடறேன்.

படம்-1

படம்-2
>

படம்-3 |
படம்-4
|
படம்-5 |
படம்-6 |

படம்-7 |
படம்-8 |
படம்-9 |
படம்-10

OK வா.. சரி நேரமாச்சு...கடமை அழைக்கிறது. நா வர்ட்டா!!

மேக ஊர்வலம்

2004-04-30T05:17:00.000-07:00

இனி மனிதன் மேகத்தினுள் மிதந்து செல்ல முடியும். இது சாத்தியமா? மனிதனால் முடியாததும் உண்டோ? சாத்தித்து காட்டியிருக்கிறான் பிரான்ஸ் நாட்டில். - Millau Viaduct பாலம்

பிரான்ஸில் டார்ன் நதியின் மீது கட்டப்படும் இந்த பாலம் தான் உலகின் மிக உயரத்தில் கட்டப்படும் பாலமாக இருக்கும். 250 மீட்டர் உயரமுள்ள இந்த பாலம் 2005 ம் ஆண்டில் கட்டிமுடிக்கப்படும் என்று எதிர்பார்கப்படுகிறது. இதனால் பாரிஸிருந்து பார்ஸிலோனா செல்லும் வழியில் போக்குவரத்தும், பயண நேரமும் கனிசமாக குறையும் என்கிறார்கள்.

இது பற்றிய பி.பி.சி யின் செய்தி தொகுப்பு இங்கே.
மேலும்

புகைப்படங்கள்-1.

புகைப்படங்கள்-2.

அனிமேசன் படம்

பி.பி.சியின் செய்திப்படம். இதை காண உங்களிடம் ரியல் பிளேயர் இருக்க வேண்டும்.

ஆவணம். இதை படிக்க அக்ரோபாட் ரீடர் தேவை.

மேலும் விபரங்களுக்கு இங்கே சென்று பாருங்கள்.

ஒரு ஜோக்

2004-04-28T03:46:00.000-07:00

நன்பனிடமிருந்து இன்று காலை மின்னஞ்சலில் வந்த ஜோக்...

An expectant husband rang the hospital to see how his pregnant wife was
getting on. By mistake he was connected to the Lord's cricket ground.

"How's it going?" he asked.

"Fine," came the answer, "We've got three out and hope to have the rest
out before lunch. The last one was a duck."

டைகர் உட்ஸ் எங்கே நிற்கிறார்??

2004-04-23T02:19:00.000-07:00

இன்று காலை இந்த படம் என் நன்பனிடமிருந்து மின்னஞ்சலில் வந்தது. இந்த படத்தில் டைகர் உட்ஸ் எங்கே நிற்கிறார் என்று பாருங்கள்.

அவர் நிற்கும் கட்டிடம், புர்ஜ் அல் அராப் என்னும் 7 நட்சத்திர ஹோட்டல். இது யு.ஏ.ஈ நாட்டில் ஜுமைரா கடற்கரையில் அமைந்துள்ளது. இது ஈஃபில் டவரை விட ஒசரமாம்பா!! இது யுனைட்டட் அராப் எமிரேட்ஸ் நாட்டின் பட்டத்து இளவரசர் ஷேக் முகமது பின் ரஷித் அல் மக்தொம் அவர்களுக்கு சொந்தமானது (இவ்வளவு பெரிய பேர எப்படி கூப்புடுவாங்க? திரும்பவும் பெயர் பிரச்சனையா... வேண்டாம்பா!!). ஐந்தாவது படத்தில் கடற்கரை ஓரத்தில் இருப்பதும் அவருக்கு சொந்தமான 5 நட்சத்திர விடுதி தான்.
யப்பா, எண்ணை கிணறு என்னென்ன வேலை செய்யுது பாருங்க!!

வந்துட்டான்யா...வந்துட்டான்யா!!

2004-04-22T06:19:00.000-07:00

இன்று பவித்ரா தனது வலைபதிவில் ஜிமெயில் மின்னஞ்சலை பற்றி எழுதியுள்ளார். இதை பற்றி முன்பே கேள்விப்பட்டு, இந்த முறையாவது எனது முழு பெயரில் ஒரு அக்கவுன்ட் திறக்கவேண்டும் என்ற ஆவலில் அவர்களிடம் முன்பதிவு செய்து வைத்திருந்தேன்.

முதல்முறையாக யாஹூ தளத்தில் அக்கவுன்ட் திறக்கும் போது கார்த்திகேயன் என்ற பெயரை வேற யாரோ தட்டிகொண்டு சென்றதால், எனது பெயரில் கொஞ்சம், என் அப்பா பெயரில் கொஞ்சம் என வெட்டி யாருக்கும் புரியாத பெயரில் ஒரு அக்கவுன்ட் திறந்து, நன்பர்களிடம் அதற்கு விளக்கம் சொல்வதற்குள் போதும் போதுமென்றாகிவிட்டது. அதனால் இன்று பவித்ராவின் வலைபதிவை படித்ததும் ஆவலில் முட்டி மோதி ஜிமெயில் தளத்திற்கு சென்று பார்த்தால், அக்கவுன்ட் திறக்க சுட்டியே இல்லை. சரி பவித்ரா ஏதோ டுபாக்கூர் விட்டிருக்கிறார் என்று அந்த பதிவின் பின்னூட்டத்தில் என் ஆதங்கத்தை தெரிவித்து விட்டு மற்ற வேலைகளில் முழுகினேன். இன்று ஒரு பதிவாவது செய்யவேண்டுமென பிளாகர் தளத்தில் நுழைந்தால், இதோ ஜிமெயில் அக்கவுன்ட் திறக்க சுட்டி அங்கே கொடுக்கப்பட்டுள்ளது.

ஆஹா...கும்பிட போன தெய்வம் குறுக்கில வருதேன்னு "கண்டுபுடிச்சேன் கண்டுபுடிச்சேன்" என்று தலைவரின் பாடலை பாடிக்கொண்டே முதல் முறையாக எனது முழு பெயரில் அக்கவுன்ட் திறந்தேன். இதே பெயரை (ந.கார்த்திகேயன்) கொண்ட தோழர்களுக்கு என் ஆழ்ந்த அனுதாபங்கள்.

முதன்முறை பயன்படுத்தியதுமே மற்ற மின்னஞ்சலுக்கும், இதற்கும் உள்ள வித்தியாசம் தெரிகிறது. மவுசின்(mouse) துனையின்றி விசைபலகை கொண்டு இதை இயக்க முடியும். மேலும் நாம் மின்னஞ்சல் அனுப்பும் நபரின் மின்னஞ்சல் முகவரியை தானாக சேமித்து வைக்கிறது. அது மட்டுமல்லாமல், யாருக்கு அடிக்கடி மின்னஞ்சல் அனுப்புகிறோமோ, அவர்களது முகவரியை தனியாக தொகுத்து வைக்கிறது. மேலும் மின்னஞ்சல் அனுப்பும் பொழுது, முகவரியின் முதல் எழுத்தை தட்டியதும், அவ்வெழுத்தை கொண்டுள்ள அனைத்து முகவரிகளையும் பட்டியலிட்டு காட்டுகிறது (பார்க்க படம்)

மேலும், உங்களுக்கு மட்டும் வரும் அஞ்சல்களை, உங்கள் குழுவுக்கு வரும் அஞ்சல்களிலிருந்து பிரித்து காட்டுகிறது. வேறு எந்த அஞ்சல் சேவை நிறுவனமும் கொடுக்காத 1கிகாபைட் இடம், தேடும் வசதி, கான்வர்சேசன் சார்டிங் (conversation sorting) போல பல வசதிகளும் இதில் உண்டு. நீங்களும் இதை பயன்படுத்தி, இதில் வேற என்ன தனித்துவம் இருக்கிறதென்று சொல்லுங்க. பலரும் ஜிமெயிலை பற்றி பிரைவசி அது இதுன்னு என்னென்னவோ சொல்றாங்க. எதுக்கும் இதை ஒரு தடவை படிச்சுட்டு முடிவெடுங்க.

உங்க ஆஃபிஸ் எப்படி??

2004-04-22T03:08:00.000-07:00

இந்த வசதி எங்கயாவது இருக்குதா??

எதை வாங்கலாம்???

2004-04-21T08:47:00.000-07:00

அப்பப்பா...இந்த பெங்களூர் ரோட்டுல வண்டி ஓட்டி ரொம்ப போரடிக்குதுங்க. இப்படி ஒரு கப்பல் வாங்கிட்டு அந்தமான் பக்கம் செட்டில் ஆகலாம்ன்னு நினைக்கிறேன்.

சாய்ஸ் -1

சாய்ஸ் -2

ஆனா இந்த ரெண்டுல எத வாங்கறதுன்னு ஒரே குழப்பம். கொஞ்சம் ஹெல்ப் பண்ணுங்க pls!!

இருங்க இருங்க!! அடிக்க வராதீங்க. இன்னிக்கு நம்ம வலைப்பூ ஆசிரியர் அருண், எனக்கு என் வீட்டு முகவரியே மறந்து போச்சான்னு கேட்டிருக்கிறார். அவருக்கு எப்படி பதில் சொல்லறதுன்னு தெரியல...அது தான் இப்படி.

இந்த ரெண்டு படத்தையும் காட்டி , இதே கேள்விய என் ஆத்துக்காரம்மாகிட்ட கேட்டதுக்கு "நீ கெட்ட கேட்டுக்கு இது ஒன்னு தான் கொறச்சலான்னு," ஒரு எதிர்கொரலு.

அது இருக்கட்டும், நீங்க சொல்லுங்க, ரெண்டுல எத வாங்கலாம்??

வாக்காளர் பட்டியல்

2004-04-16T06:15:00.000-07:00

மாவட்ட வாரியான வாக்காளர் பட்டியல் இங்கே..உங்க பெயர் இருக்கா??? பொறுமை இருந்தா பார்த்து தெரிஞ்சுகுங்க!! நானும் என் பெயரை தேடி பார்த்துகிட்டு இருக்கேன். உங்க பெயரை கண்டுபிடிச்சா சொல்லுங்க...யாரு மொதல்ல கண்டுபிடிக்கறாங்கன்னு பார்ப்போம் ;)

ஒரு நெருடல்..

2004-04-16T04:20:00.000-07:00

ராகுல் டிராவிட் - இவரை "The Wall"," Great Wall of India", இன்னும் எப்படி வேண்டும் என்றாலும் அழைக்கலாம். அதற்கு அவருக்கு முழு தகுதியுள்ளது. இவருக்கு யார் இந்த பெயர் கொடுத்தது என்பதை பத்ரி இன்று அவரது வலைப்பதிவில் விளக்கியுள்ளார்.

இவரது பொறுமை தான் எப்பொழுதும் இந்தியாவிற்கு வெற்றியீட்டி தருகிறது. இவர் எப்பொழுதெல்லாம் பொறுமையாக ஆடினாரோ அப்பொழுதெல்லாம் இந்தியா வெற்றிபெற்றிருக்கிறது, அல்லது தோல்வியை தவிர்த்திருக்கிறது. பொறுமை மட்டும் இல்லாது இவரது துணிச்சலும், முடிவு எடுக்கும் திறனும் பெரிதும் பாராட்டப்படுகிறது. முல்தானில் நடைபெற்ற முதல் டெஸ்டில் டெண்டுல்கர் 194 ரன் எடுத்து, 200 நோக்கி முன்னேறிக்கொண்டிருந்த பொழுது, இவர் ஆட்டத்தை முடித்துக்கொள்வதாக டிக்ளெர் செய்து அனைவரையும் அதிர்ச்சியுறச்செய்தார். இன்சமாம் இதை குறிப்பிட்டு "நான் டெண்டுல்கரின் காப்டனாக இருந்தால் கன்டிப்பாக அவர் இரட்டை சதம் அடிக்கும் வரை பொறுத்திருப்பேன்" என்றார். பலரும் பலவிதமாக இதை பற்றி விமர்சித்தாலும் இவரது குறிக்கோள் ஒன்றே...வெற்றி.....வெற்றி........வெற்றி.

இன்று இத்தொடரை இந்தியா வென்றதற்கு முழு காரணமும் ராகுல் டிராவிட் தான். இவர் 495 பந்துகளை சந்தித்து 270 ரன்கள் எடுத்து இந்தியாவை வலுவான நிலைக்கு அழைத்து சென்றார். ஆட்டத்தின் முதல் நாள் வீசப்பட்ட முதல் பந்தை தவிர கடந்த நான்கு நாட்களும் களத்தில் இருந்திருக்கிறார். ஆனால் ஆட்டத்தின் மூன்றாம் நாளில் இவர் அடித்த ஒரு பந்து மட்டையிலும், பேடிலும் பட்டு விக்கட்கீப்பர் கைகளில் கேட்சாக மாறியது. அம்பயரினால் தெளிவாக முடிவு எடுக்க முடியாமல் benefit of doubt படி நாட் அவுட் என்று கூறிவிட்டார். ஆனால் டிராவிடுக்கு தான் அவுட் என்று நன்றாக தெரிந்தும் ஏன் அவர் தானாக வெளியே வரவில்லை. கிரிக்கெட் என்பது gentlemen game இல்லையா?? இதில் தவறுகள் நடக்கலாம், ஆனால் தெரிந்தே தவறு செய்யலாமா? அதுவும் மேற்கூறிய அனைத்து பெருமைகளும் கொண்ட இந்திய அணியின் துனை கேப்டன் செய்யலாமா? தான் அவுட் என்று தெரிந்ததும், அம்பயரின் முடிவுக்காக காத்திராமல் எத்தனையோ வீரர்கள் தாமாக வெளியேறியதை இவர் கண்டதில்லையா, இல்லை இவருக்கு ஆட்டம் கற்றுக்கொடுத்த சீனியர்கள் இதை கற்றுத்தரவில்லையா?? கவாஸ்கரும், டெண்டுல்கரும், ஸ்டீவ் வாகும் இப்படி தாமாக வெளியேறியதை இவர் பார்த்ததே இல்லை போலும்.

இதை விட கொடுமை நேற்றைய தொலைகாட்சி நிகழ்ச்சியொன்றில் ரவி சாஸ்திரியிடமும், வசிம் அக்ரமிடமும் இதே கேள்வி கேட்கப்பட்டது. அவர்கள் இருவரும் கூறிய பதில் மிகவும் அபத்தமானது.

ரவிசாஸ்திரி : டிராவிட் ஏன் வெளியேற வேண்டும், நடுவர் என்பவர், முடிவெடுப்பதற்காவே இருக்கிறார். இந்த சூழ்நிலையில் நானாக இருந்தாலும் இதை தான் செய்திருப்பேன்.

இவரது பதிலில் game spirit அடிபட்டு சின்னாபின்னமானதை கண்டுகொண்டதாகவே தெரியவில்லை. கிரிக்கெட் வீரர்களை, வீரர்களாக பார்க்காமல் கடவுளாக வழிபடும் இன்றைய இளைய தலைமுறையினருக்கு இது ஒரு தவறான எடுத்துக்காட்டாக இருக்கும் ஏன் புரிந்துகொள்ளவில்லை??

வசிம் அக்ரம் : டிராவிட் செய்தது மிக சரி. நடுவர்களுக்கு பெரிய தொகை சம்பளமாக கொடுக்கப்படுகிறது. அதனால் அவர்களது வேலையை சரியாக செய்ய வேண்டும். இது ஆட்டத்தில் சகஜம், இதை பெரிதுபடுத்தாமல் ஜாலியாக எடுத்துக்கொள்ளவேண்டும்

சம்பளம் கொடுக்கிறார்கள்...சரி. அதற்காக அவர்கள் படும் சிரமத்தையும் கருத்தில் கொள்ளவேண்டுமல்லவா? ஐந்து நாள் நடைபெறும் போட்டியில் போடப்படும் ஒவ்வோரு பந்தையும் அவர்கள் கவனிக்க வேண்டும். அதில் இது போன்ற சிரமமான முடிவுகளை எடுக்க தடுமாறுவது சகஜம். (அதற்காக ஸ்டீவ் பக்னர் செய்வது சரி என்று சொல்லவில்லை). அந்த மாதிரி நேரங்களை தனக்கு சாதகமாக பயன்படுத்திக்கொள்வது சண்டைக்கு வேண்டுமென்றால் சரி வரும் ஆனால் இது விளையாட்டுக்கு சரிவராது.

தொடரை வென்றாலும் மனதில் ஒரு சிறு நெருடல்.....

நோகாம நொங்கு!!

2004-04-14T06:45:00.000-07:00

ஐ.சி.ஐ.சி.ஐ வங்கி இந்த மாதத்திலிருந்து ஏ.டி.எம் ல (ATM) பணம் எடுக்க கட்டணம் வசூலிக்கப்போகிறதாம். முழு செய்தியை இங்கு படிக்கவும். இது முன்பே எதிர்பார்த்த செய்தி என்றாலும், அவர்கள் வசூலிக்க இருக்கும் கட்டணம் மிக அதிகம். இவங்கள தொடர்ந்து மேலும் சில தனியார் வங்கிளும் கட்டண முறையை அமல்படுத்த இருக்கின்றன (செய்தி). இத பத்தி அவுங்க கஸ்டமர் கேர் நம்பருக்கு ஃபோன் பண்ணி கேட்டா, அவுங்களுக்கே முழு விஷயமும் சரியா தெரியல.
என்னங்க இது அநியாயமா இருக்கு..ஒரு டிரேன்சாக்சனுக்கு 50 ரூபாயா?? என்னை போல அடிக்கடி பர்ஸை தொலைக்கும் ஆசாமிகள், பர்ஸ்ல காசு இருந்தா உடனே வெட்டி செலவு செய்துவிடும் ஆசாமிகள், மாசக் கடைசில மத்த எல்லோரும் ஏ.டி.ஏம் ல எடுக்கறதே நூறோ இருநூறோ...அதுக்கு அம்பது ரூவா தண்டம் அழுவனுமா?? இத விட குறைந்த பட்ச சேமிப்பு தொகை இல்லைனா 750 ரூபா தண்டம் அழுவனுமாம்பா. இது முன்ன இருந்ததை விட 3 மடங்கு அதிகம். இப்படியே போனா சம்பாரிக்கற காசு மொத்தத்தயும் இவங்க புடிங்கிக்குவாங்க போல. இது தான் நோகாம நொங்கு திங்கறதோ?? இப்பெல்லாம் திருடனை கண்டால் கூட அடிச்சு விரட்டும் தைரியம் வருது, ஆனா போலீசை கண்டால் தான் பயந்து நடுங்க வேண்டியிருக்கு. அது போல பணத்தை வங்கியில போடனும்னா கூட ... ஹ்ம்ம் என்னத்த சொல்றது!!

எங்கே செல்கிறோம்...????

2004-04-13T07:11:00.000-07:00

இன்று தமிழ் புத்தாண்டை முன்னிட்டு விஜய் டிவியில் சிறப்பு பட்டிமன்றம் ஒளிபரப்பாகியது. ஆபிஸ் கிளம்பும் அவசரத்தில் நான் கண்ட, என்னை யோசிக்க வைத்த (நீ யோசிச்சயா??? அத நான் நம்பனுமான்னு கேட்கிறீங்களா...நம்புங்க!!) சில விசயங்கள்...

பொதுவாவே லியோனியின் பட்டிமன்றம்னா நக்கலுக்கும், கிண்டலுக்கும் குறையிருக்காது. இந்த பட்டிமன்றமும் என்னவோ சிரிக்க வைக்க தான் என்றாலும், சிலர் பேசிய கருத்துக்கள் சிந்திக்கவும் வைத்தது. குறிப்பாக ஒரு சின்ன எடுத்துக்காட்டு..... இது என்னவோ பெரிய லெவல் மேட்டர்ன்னு கற்பனையெல்லாம் பண்ணாதீங்க..அது நம் அன்றாட பிரச்சணையான கக்கூஸ் மேட்டர் தான். மக்களின் இந்த தலையாய பிரச்சனைய தீர்க்க முக்கியமான இடங்களில் கட்டண கழிப்பிடங்கள் கட்டப்படும் என்று அறிவிக்கப்பட்டது. பெங்களுரில கூட இப்படி நிறைய கட்டியிருக்காங்க. ஆனா பாதிக்குமேல இன்னும் திறப்புவிழா காணாமலே இருக்கிறது. மிச்சம் இருக்கிற சிலது அரசாங்கத்துக்கும், கான்ட்ராக்டர்களுக்கும் பேரம் படியாமல் பூட்டியே கிடக்கிறது. பேருந்து நிறுத்தத்தில் இருக்கிற பொது கழிப்பிடத்தை நம் மக்கள் மதிப்பதே இல்லை, அதன் வெளிப்புற சுவரை பாழடிப்பதிலேயே கவனமாக இருக்காங்க. அதிசயமாக திறந்திருக்கும் சில கட்டண கழிப்பிடங்களின் நிலமையோ பொதுக்கழிப்பிடங்களை விட கேவலமாகவே உள்ளது. ஆத்திர அவசரத்துக்கு கூட காசு வாங்குனா, அட மனுசன் எங்கதான்யா போவான்...

கவிஞர் நந்தலாலா சொன்னாரு, இந்தியாவில் மட்டும் தான் கட்டண கழிப்பிடம் இருக்குதாம், மற்ற நாடுகளில் கழிப்பிடங்களுக்கு கட்டணம் வசூலிக்கப்படுவதில்லையாம். (ஏங்க அப்படியா? தெரிஞ்சவுங்க கொஞ்சம் சொல்லுங்க). அங்கே அப்படியே காற்றாட வெளியே போனால், பிடித்து மாமியார் வீட்டுக்கு அனுப்பிவிடுவாங்க, ஆனா இங்கயோ கட்டண கழிப்பிடங்கள் இருப்பதே மக்கள காற்றாட வெளிய
போக வைக்கத்தான் போல!! இதுல வேற நவீன கட்டண கழிப்பிடம்ன்னு போர்டு வைச்சுகிறாங்க.. இதுல போய் என்ன நவீனம்ன்னு தெரியல :(

அடுத்தது மக்களின் மனப்பாண்மை பற்றி கவிஞர் நந்தலாலா பேசியதில் எனக்கு முழு உடன்பாடு உண்டு. கிரிக்கெட் போட்டிகளில் இந்தியா எங்கே யாருடன் விளையாடினாலும் டிவி முன்னாடி பழிகிடந்து டென்சன்ல நகம் எது விரல் எதுன்னு கூட தெரியாம கடிச்சு துப்பி, நாலு நாளைக்கு கட்டு போட்டுட்டு திரியராங்க.(நான் கூட அப்படித்தான்) ஒரு சின்ன விளையாட்டு, இதுக்கு போய் அடிதடி நடக்கற அளவுக்கு போயிடறாங்க. ஆனா ஈராக் மேல அமெரிக்கா குண்டு போடறத கால் மேல கால் போட்டு கடலக்காயை கொறிச்சுகிட்டே ஜாலியா பார்க்கிறாங்க. அது பத்தாதுன்னு "நல்லா பாம் போடுறான்யா...என்னமா வெடிக்குதுன்னு" கமென்ட் வேற. இத அவரு காமெடிக்காக சொன்னாலும் மக்கள் மனப்பான்மை வேற எங்கயோ போயிட்டிருக்குன்னு மட்டும் தெரியுது.

இதுக்கு மேல பார்க்க விடாம கடமை அழைத்தால், லியோனிக்கும், நந்தலாலாவுக்கும் டாட்டா காட்டிவிட்டு விட்டேன் ஜூட் (ஆபீஸுக்குதாங்க).

புத்தாண்டு வாழ்த்துக்களுடன் மறுபடியும் ஒரு தடவை ஜூட் விட்டுக்கிறேன்...வ்வர்ட்டா!!

ஆயுத எழுத்து - யாக்கை திரி

2004-04-07T03:44:00.000-07:00

ஆயுத எழுத்து படத்தில் வரும், நான் மிகவும் ரசிக்கும் பாடல்...உங்களுக்காக

யாக்கை திரி
காதல் சுடர்

அன்பே....

ஜீவன் நதி
காதல் கடல்

நெஞ்சே....

பிறவி பிழை
காதல் திருத்தம்
நெஞ்சே....
இருதயம் கல்
காதல் சிற்பம்
அன்பே....

யாக்கை திரி
காதல் சுடர்

ஃபனா

தொடுவோம் தொடர்வோம் படர்வோம்
மறவோம் துறவோம்
தொடுவோம் தொடர்வோம் படர்வோம்
மறவோம் இறவோம்
தொடுவோம் தொடர்வோம் படர்வோம்
மறவோம் துறவோம்
தொடுவோம் தொடர்வோம் படர்வோம்
மறவோம் இறவோம்

ஜென்மம் விதை
காதல் பழம்
லோகம் த்வைதம்
காதல் அத்வைத்தம்
சர்வம் சூன்யம்
காதல் பிண்டம்
மானுடம் மாயம்
காதல் அமரம்

உலகத்தின் காதல் எல்லாம் ஒன்றே ஒன்று அது
உள்ளங்கள் மாறி மாறி பயனம் போகும்

யாக்கை திரி
காதல் சுடர்

அன்பே....

ஜீவன் நதி
காதல் கடல்

நெஞ்சே......

பிறவி பிழை
காதல் திருத்தம்
நெஞ்சே
இருதயம் கல்
காதல் சிற்பம்
அன்பே

யாக்கை திரி
காதல் சுடர்

ஃபனா

தொடுவோம் தொடர்வோம் படர்வோம்
மறவோம் துறவோம்
தொடுவோம் தொடர்வோம் படர்வோம்
மறவோம் இறவோம்
தொடுவோம் தொடர்வோம் படர்வோம்
மறவோம் துறவோம்
தொடுவோம் தொடர்வோம் படர்வோம்
மறவோம் இறவோம்

ரவுசு ரவுசு!! இம்ரான் ரவுசு

2004-04-01T03:54:00.000-08:00

இந்த இம்ரான் கானுக்கு ஆனாலும் இந்த குசும்பு கூடாதுங்க. குப்பறவிழுந்தாலும் மீசைல மண் ஒட்டவேயில்லைன்னு எத்தனை நாளைக்கு தான் சாதிப்பாரோ தெரியல.(அதனால் தான் மீசைய எடுத்துட்டாரோ என்னவோ?) அவரோட லேட்டஸ்ட் கூத்த கேட்டீங்களா? மொத டெஸ்ட் போட்டியில பாக்கிஸ்தான் தோத்ததுக்கு புல்லு தான் காரணமாம். ஆடுகளத்துல இருந்த புல்லை எல்லாம் ஆடு மேய வுட்டுபுட்டு இப்ப டீம தப்பு சொல்ல கூடாதுங்கராரு. புல்லு மட்டும் இருந்திருந்தா சோஹைப் அக்தர் சும்மா பிச்சு உதரியிருப்பாராம்.

புல்லு இல்லாததால தான் அக்தரால விக்கெட் எடுக்க முடியலயாம். ஒரு நாள் போட்டியில சிக்ஸர் அடிச்சு பாலாஜி வைச்ச ஆப்பையே இன்னும் அக்தரால எடுக்க முடியாம சிரமப்படரது பாவம் இம்ரானுக்கு தெரியாது போல. குடுத்த கேட்சையெல்லாம் கோட்டை விட்டு சேவாக் சாதனை படைக்க, கூடவே பக்க பலமா இருந்து உதவி செஞ்ச அவங்களோட பீல்டிங் தான் மொத காரணம்னு ஏன் அவருக்கு உறைக்காம போச்சோ தெரியல. டென் ஸ்போர்ட்ஸ்ல இம்ரான சித்துவோட பார்த்து நான் மொதல்ல பாவப்பட்டேன். ஐயோ பாவம், இம்ரானை சித்து பேசியே கொலை பண்ணீருவாரென்னு ரொம்ப தான் கவலைப்பட்டேன். நான் பாக்கும்போதெல்லாம், சித்து தான் பேசிகிட்டே இருப்பாரு, இவரு தேமேன்னு அவரோட வாய பார்த்துகிட்டு உக்கார்ந்திருப்பாரு. இப்ப தான தெரியுது, மஞ்சரேக்கர் ஏன் இம்ரானை பேச விடாம சித்துவையே பேச விட்டாருன்னு, ஒரு வேளை அடி மேல அடி வாங்கி ஆட்டங்கண்டு போய் இப்படி பேட்டி குடுத்தாரோ என்னவோ??!
ஓ இன்னைக்கு ஏப்ரல் ஒன்னாந்தேதியாச்சே, நம்மளயெல்லாம் April Fool ஆக்க முயற்சி செய்யராருனு நினைக்கறேன், நீங்க என்ன சொல்லறீங்க??

தலை சுற்ற வைத்த சீன "தலை" கதை

2004-03-30T06:04:00.000-08:00

இன்று பொழுது போகாமல் வலை சுற்றி (காலேஜ் படிக்கறப்ப நிறைய ஊர் சுற்றி, இப்பவும் அதே ஞாபகம்), கொண்டு இருந்த போது சீன வானொலி நிலையத்தில் தினசரி தமிழ் ஒலிபரப்பு நடைபெறுகிறது என்பதை அறிந்து ஆவலில் அந்த இணைய தளத்தில் தலையை நுழைத்தேன். சீனத்திலும் தமிழ்க்கொடி பட்டொளி வீசி பறக்கிறது என்பது அகமகிழ வைக்கிறது. தமிழ் இணையத்தில் மிக பிரபலமான பி.பி.சி நிறுமத்தின் இனையத்தளத்தில் "தமிழோசை" என்னும் ஒரு சொல்லைத் தவிர மருந்துக்கு கூட வேறு தமிழ்ச்சொற்களை காணவில்லை. ஆனால் சீன வானொலி நிலையத்தின் தமிழ் சேவை இணைய தளம், அற்புதமாக வடிவமைக்கப்பட்டதோடல்லாமல் (யப்பா, எவ்ளோ பெரிய வார்த்தை), முழுக்க முழுக்க தமிழில் அமைந்திருப்பது பாராட்டப்படக்கூடியது. இந்த தளம் செய்திகளை தருவதோடல்லாமல், சீன கலாச்சாரம், பண்பாடு, சீன மக்களின் வாழ்க்கை முறை, பயணம், விளையாட்டு, உணவு போன்ற பல தகவல்களைத் தருகிறது. செய்தி தொகுப்பு அருமையாக இருந்தாலும் செய்தி வாசிப்பு தான் சகிக்கல, யாராவது நல்லா தமிழ் பேசுற ஆசாமியா புடிச்சு வாசிக்க வைச்சிருக்கலாம்.
"தரைப்பு செய்திகர்...சீனாவில் பரவை காச்ச்ல் ஒரிக்க பட்டு விட்டது" - இப்படித்தான் அந்த செய்தி வாசிப்பாளர் வாசிக்கறார். அங்கயும் இந்த 'ற', 'ர', 'ல', 'ட' எல்லாமே "தகளாறு" போல. குறைகள் இருந்தாலும், அவர்களது முயற்சி கட்டாயம் பாராட்டப்பட வேண்டும்.
ம்ஹ்ம், புள்ளயார் புடிக்க போய் வேற எதையோ பிடிச்ச மாதிரி எதையோ எழுதப் புறப்பட்டு, கடைசில வெப்சைட் ரிவியூ எழுதி முடிச்சிட்டேன். சரி தலைப்ப பத்தி ஒன்னு ரெண்டு வரிலயாவது சொல்லிடறேன்.

அங்கே இடப்பட்டிருந்த "காட்டிக் கொடுத்த தலை" என்ற சிறுகதையை படித்து, தலை சுற்றி மயக்கம் வர கீழே விழுந்தேன். அட உண்மையா தாங்க!!
ஆரம்பத்தில் ஏதோ மர்ம கதை போல இருந்தாலும் லாஜிக்கே இல்லாமல் கதை செல்கிறது (இத விட வேற என்ன பெரிய லாஜிக் வேணும்). ஒரு வழியா உண்மையான குற்றவாளியை கண்டுபிடித்து "சுபம்" போட்டு கதைய முடிக்கறாங்க. கதை புரிஞ்சுதோ இல்லயோ கதைல வர்ர பாத்திரங்களின் பெயர்கள் கடைசி வரைக்கும் மனசுல நிக்கல. ஒவ்வொரு பாத்திரத்தின் பெயர் வரும் போதும், முன் பக்கம் சென்று யார் அதுன்னு ரெஃபர் பண்ணி ரெஃப்ர் பண்ணி, அட போங்கப்பா..!! நம்ம ஊர் டைரக்ட்ர்களின் கண்ணில பட்டா, இது தான் அடுத்த சூப்பர் ஹிட் தமிழ் திரைப்படம்.

கிரிக்கெட் கனவுகள் - II

2004-03-24T11:16:00.000-08:00

விதியை நொந்து கொண்டே குளித்துக் கிளம்பி அவசர அவசரமாக ஆஃபீஸ் சென்றால் அங்கே ஜே ஜே என்று கூட்டம். என்னை போலவே எல்லோரும் மட்டம் போட்டிருப்பாங்கன்னு மலை போல் நம்பி வந்த என் தலையில் மண்ணென்னைய கொட்டியது போல இருந்தது. காலையில் கூவி எழுப்பி விடும் கோழியவே அடிச்சு கொளம்பு வைச்சு சாப்பிட்டுட்டு பொறுமையா வரும் குப்பனும் சுப்பனும் கூட இன்னிக்கு எனக்கு முன்னால் வந்து சேர்ந்துட்டாங்க. கீழே பார்க்கிங்ல வண்டி நிறுத்த இடம் இல்லாமல் பத்து நிமிஷம் அலைஞ்சப்பவே இப்படி ஏடாகூடமா ஏதாவது நடந்திருக்கும்னு நினைச்சேன்.

அடுத்து லீவ் எடுக்க ஐடியா கொடுத்த நண்பன் ஆச்சரியமா பார்க்க, லீவ் கொடுத்த வள்ளல் (என் பாஸ்) என் கடமையுணர்ச்சியை பெருமையுடன் பார்க்க, இன்னைக்கி இவன் வரமாட்டாங்கற முடிவுடன் என்னுடய இயர்-ஃபோனை சுட்டு கமென்ட்ரி கேட்க செட் பண்ணி வைச்சிருந்த பக்கத்து சீட் நண்பன் சோகமா பார்க்க, மற்றும் என் உற்றார், உறவினர் (டீம் மேட்ஸ்) எல்லாம் பார்க்க, குனிந்த தலை நிமிராமல் என் சீட்டில ஐக்கியமானேன்.

மதிய உணவு இடைவேளை வரை இந்த பூனையும் பால் குடிக்குமான்னு சின்சியரா வேலை செஞ்ச நம்ம பசங்க, இடைவேளைக்கு பிறகு வேற எந்த பூனை பாலை குடிச்சிருக்கும்ன்னு கேள்வி கேக்குற மாதிரி செஞ்சுட்டாங்க. புது மாப்பிள்ளை லட்சுமணன் செஞ்சுரி போட்டப்ப டேபிளை தட்டி ஆர்ப்பாட்டம் பண்ணியவங்க, நம்ம தமிழ்நாட்டு சிங்கம் பாலாஜி சிக்ஸ்ர் அடிச்சு பேட்டை உடைச்சப்ப டேபிள் மேலயே ஏறி ஆட ஆரம்பிச்சுட்டாங்க.

சற்று நேரத்தில் மயான அமைதி என்னை தாக்க தலையை நிமிர்த்திப் பார்த்து வெளவெளத்துப் போனேன். அப்புறம், சிறு கரப்பான்பூச்சிய பார்த்தாலே பயந்து சாகற எனக்கு இவ்வளவு பெரிய அலுவலகத்தில தனியா இருக்க பயம் வராதா என்ன? மணி ஐஞ்சு முடிஞ்சு ஆறு அடிக்கறதுக்கு முன்னால பசங்க பஞ்சா பறந்து வீட்டுக்குப் போயிட்டாங்க. அவசர அவசரமாக ஞாபகத்துக்கு வந்த உம்மாச்சியெல்லாம் துணைக்கு கூப்பிட்டு வண்டிய எடுத்துக் கொண்டு ரோட்டுக்கு வந்தால், மறுபடியும் ஒரே ஆச்சரியம். எப்பவும் நத்தை மாதிரி ஊர்ந்து செல்லும் சாலையில் இன்னைக்கு ஜெட்டு போல சீறிக் கொண்டு செல்லும் அளவுக்கு போக்குவரத்து இருந்தது. ஒரு வழியாக உம்மாச்சி துணையுடன் வீடு வந்து சேர்ந்து டீ.விய போட்டா, பட்டு பட்ன்னு பதான் ரெண்டு விக்கெட்ட அதுக்குள்ள எடுத்திருந்தார். 90க்கு ஆறு விக்கெட் என்று பாக்கிஸ்தான் தத்தளித்துக்கொண்டிருக்க, எப்பவும் மோசமாக ஆடும் மொயின்கான் வந்து மாலிக்குடன் சேர்ந்தார். 90க்கு 6 அப்படீன்னா 105க்கு 7, 120க்கு 8ன்னு ஐஞ்சாப்புல வாத்தியார் சொல்லிக்குடுத்த கணக்கை ஞாபகப்படுத்தி சந்தோஷப்பட்டுக் கொண்டிருந்தவனின் மன்டையில் மடேர் என்று அடிப்பது போல் ஒரு சிக்ஸர் அடித்தார். மோசமாய் ஆடும் மொயின்கானா இது என்று எண்ணியவனை, பந்தை பவுன்டரிக்கு திரும்ப திரும்ப துரத்தி ஐஞ்சாப்பு வாத்தியாரின் தப்புக் கணக்கை தாளம் போட வைத்தார்.

ஒருவழியாக நகம் அனைத்தயும் கடித்து துப்பி அடுத்து விரலையும் சேர்த்துக் கடிக்க இருந்த நான் பாலாஜி மொயின்கானை பெவிலியனுக்கு அனுப்பியதும் கத்திய காட்டுக் கூச்சலில், தூங்கிக்கொண்டிருந்த பக்கத்து வீட்டு மாமியும் புரியாமல் அலற, என்னவோ ஏதோ என்று மாமாவும் அலறியடித்துக்கொண்டு வெளியே ஓடி வர, அதே சமயத்தில் கீழ் வீட்டு வாண்டு பட்டாசு ஒண்றை கொளுத்திப்போட ஒரே களேபரம் தான் போங்க.

ஒரு வழியா வரலாறு படைச்சாச்சு. கோப்பை வென்ற சந்தோஷத்துடன் தூங்க போகிறேன்!!

கிரிக்கெட் கனவுகள்

2004-03-24T01:57:00.000-08:00

இந்த ரெண்டு வாரமா எந்த சேனலை பார்த்தாலும், கிரிக்கெட் கிரிக்கெட் கிரிக்கெட். நம்ம பயபுள்ளைங்க
வலைப்பதிவுலையும் கிரிக்கெட்டை கொண்டு வந்துட்டாங்க. அருண் வைத்தியநாதன் ஒவ்வொரு மேட்ச் முடிஞ்சவுடனே
அதப்பத்தி சுடச்சுட எழுதறாரு. இன்னும் கொஞ்சம், நேரமும் ஊக்கமும் கெடச்சா போதும், நம்மாளுங்க சோஹைப் அக்தரும், ஜாகிர் கானும் போடர ஒவ்வொரு பந்தை பத்தியும் எழுதுவாங்க போல.

வெயில் காலத்துல A/C ரூம்லயே வேர்த்து வடிஞ்சுகிட்டு இருக்க, இது போதாதுன்னு இப்பொ கிரிக்கெட் ஜுரம் வேற. ரோட்ல போக முடியலைங்க, கார்ப்பரேசன் வெட்டி வெச்சிருக்கும் குழி ஒரு பக்கம் இருந்தாலும், அந்த குழிக்குள்ளயும் குச்சிய நட்டு வைச்சு கிரிக்கெட் ஆடும் வாண்டுகள் இன்னோர் பக்கம்.

நேத்து சாயுங்காலம் ரோட்ல விளையாடிட்டு இருந்த நண்டுசிண்டுகளால் பெரிய கலாட்டாவே நடந்தது. ஒருவன் "நான் தான் சேவாக்" என்று மார்தட்டிக்கொள்ள, மற்றொருவன் "நான் தான் அக்தர், உன்னை கிளீன் போல்ட் ஆக்கறன் பாரு" என்று சூளுரைத்து பந்து போட, கடைசியில் அக்தர் கனவு புஸ்வானமாக சேவாக் சிக்ஸ்ர் அடித்து கொக்கரித்தார். இந்த களேபரத்தில் பந்து எதிர் வீட்டு மாமியின் கண்ணாடி ஜன்னலை பதம் பார்த்ததை பசங்க கண்டுக்கவேயில்லை. அடுத்த பால்ல உன்னை அவுட் ஆக்கறன் பாருன்னு திரும்ப அக்தர் சூளுரைத்து பந்தை தேடும் போது தான், அது மாமி வீட்டு பெட் ரூமில் ரெஸ்ட் எடுத்துக் கொண்டு இருக்கும் விஷயம் தெரியவந்தது. அடுத்த நிமிஷம் சேவாக்கையும் காணல, அக்தரையும் காணல. அப்புறம் பிரச்சினை மேனேஜ்மென்ட் லெவல்ல (அல் அதுதாங்க பெற்றோர்) சமாதானப்படுத்தி சால்வ் ஆனது வேறு விஷயம்.

சரி விஷயத்துக்கு வருவோம்..இன்னைக்கி நடக்கும் மேட்சை பார்த்தே ஆகணும்னு நேத்தே பிளேன் பண்ணி ஆபீஸில் லீவ் சொல்லி வைத்திருந்தேன். பாஸிடம் கெஞ்சி கூத்தாடி லீவ் வாங்குவதற்க்குள் போதும் போதும் என்றாகிவிட்டது. மனைவி வேறு, ஊருக்கு போயிருப்பது இன்னும் வசதியா போச்சு. நாளைக்கு காலைல நேரமே எழுந்திருக்க
வேண்டாம் என்ற சந்தோசத்துடன் கிரிக்கெட் கனவுகளுடன் (சும்மானாச்சிக்கும்) தூங்கிக்கொண்டு இருந்த்தவனை ஏழு மணிக்கு மணி அடித்து எழுப்பியது. தூக்கக்கலக்கத்தில அலாரம் வாட்சின் தலையை திருகியும் மணி அடித்துக்கொண்டிருக்க, எரிச்சலுடன் கண் விழித்து பார்த்தால், அடித்தது டெலிபோன் மணி. வாரி சுருட்டிக்கொண்டு போய் ஃபோனை எடுத்தால் எதிர்புறம் என் அருமை மனைவி. அப்புறம் நடந்த உரையாடல் இதோ..

மனைவி : என்னங்க, உங்களுக்கு உடம்பு சரியில்லையாமே?
நான் : இல்லையே நான் நல்லா இருக்கேனே (தூக்க கலக்கத்துல உளரிக் கொட்டிட்டேங்க)
மனைவி : இல்ல உடம்பு சரியில்லைன்னு சொன்னாங்க, அது தான் ஃபோன் பண்ணினேன். (போட்டு வாங்குவது இது தானோ??)
நான் : இல்லம்மா நான் நல்லா இருக்கேன். உனக்கு யார் சொன்னது?? (என் மர மண்டைக்கு இப்போ கூட புரியல)
மனைவி : யாரும் சொல்லல, எனக்கு உங்களை பத்தி தான் நல்லா தெரியுமே.... இன்னைக்கி மேட்ச் வேற இருக்கு. மேட்ச் இருந்தா தான் உங்களுக்கு எப்படியாவது உடம்புக்கு வந்திருமே. இன்னைக்கு ஒழுங்கா கட் அடிக்காம ஆஃபீஸ் போற வழிய பாருங்க.

அட தேவுடா, இப்பொ தான் இந்த மர மண்டைக்கு உறைக்குது.

ராவல்பிண்டியிலிருந்து லாகூர் வரை லொங்கு லொங்குன்னு ஓடி வந்து அக்த்ர் போட்ட பந்தை அம்பயர் நோ-பால்ன்னு கூலா சொன்ன மாதிரி போட்டு வச்சிருந்த திட்டத்தை எல்லாம் தவிடு பொடியாக்கினாள் அவள்.

ச்சே ! இவளுக்கு என் பாஸ் எவ்வளவோ தேவலை என்று என்னை நானே நொந்து கொண்டு ஆஃபிஸ் கிளம்பினேன்.

என்ன வாழ்க்கைடா இது? மனுசன் நிம்மதியா ஒரு மேட்ச் கூட பார்க்க முடியறதில்லை. அண்ணே... அருண் அண்ணே இனி திரும்பவும் இந்த மேட்ச் பற்றி நீங்க வலை பதிய மானிட்டர் மேல் விழி வைத்து காத்துகிட்டிருக்கேன்.

சாவி கிடைச்சாச்சு

2004-03-23T05:22:00.000-08:00

இதோ எனது வலைக்கதவு திறந்துவிட்டது. கஷ்டப்பட்டு சாவி போட்டு கதவை திறந்து உள்ளே வந்தாச்சு.
அடுத்து என்ன?
அடுத்து என்ன?
அடுத்து என்ன?
இங்கே என்ன எழுதறது? எப்படி எழுதறது?
மில்லியன் டால்ர் கேள்வியா இது? விடை கிடைக்க மாட்டேங்குதே...
அட அரை மணி நேரமா யோசிக்கிறேங்க... ம்ஹூம் இது சரிப்பட்டு வராது.
சரி சுத்தி இருக்கிற வலைப்பின்னல்களை சுத்தி பார்க்கலாம்ன்னா தலை சுத்தி மயக்கம் வராதது மட்டும் தான் பாக்கி.
யப்பா என்ன இது தமிழ்ல இவ்வளவு வலைப்பின்னல்களா? அத்தனையும் தனக்கென ஒரு தனி முத்திரையுடன்.
இந்தப்பக்கம் பார்த்தா ஒருத்தரு கிறுக்கறாரு, அந்தப்பக்கம் ஒருத்தரு சத்தமே இல்லாம ஆப்பு வைக்கறாரு.
அவர் சிந்தனையை சிதறவிட்டா, இவர் எண்ணங்களை பகிர்ந்துக்கிறாரு.
இதெல்லாம் சரிப்பா, நீ என்ன செய்யப்போற அத மொதல்ல சொல்லு அப்படின்னு நீங்க சொல்லறது சத்தமாவே கேட்குது.

ஃபோன் பண்ணி நண்பனிடம் கேட்டா...மச்சி கவிதை எழுதுடான்னு பொசுக்குனு சொல்லிட்டான், ஆனா கடைசி வரைக்கும் கவிதைன்னா என்னன்னு சொல்லவே இல்லை பாருங்க.

கதை எழுதலாமா?? சரி நல்லா எழுதலாம். சின்ன வயசுல படிச்ச பாட்டி வடை சுட்ட கதை மட்டும் தான் தெரியும், அது தான் எல்லோருக்கும் தெரியுமே அதை யாரு படிப்பாங்க??

கட்டுரை?? நடுவுல நானே தூங்கிட்டன்னா?? சிவராத்திரி அன்னிக்கு ட்ரை பண்ணி பார்க்கலாம்.

இதோ... வலையை சுத்துனப்போ நண்பர் காசி ஆறுமுகம் வலை பரப்ப கூப்பிடறது காதுல விழுந்தது. அவர் சொன்ன மாதிரியே செய்யலாம்னு முடிவு பண்ணிட்டேன்.

அட அதுதாங்க, என்னை சுத்தி நடக்கறது, நான் நடக்கறது, என்னை நடக்க வைக்கறது, எனக்கு உள்ளே / வெளியே நடக்கிறது, என்னை பத்தி நீங்க நினைக்கிறது, உங்களை பத்தி நான் நினைக்கிறது இதை எல்லாம் நானே... நான் மட்டுமே சொந்தமா எழுதப்போறேன். அதுவும் கொங்கு தமிழும் இங்கிலீசும் கலந்த ஒரு காக்டெயில் கலவையா எழுதலாம்னு இருக்கேன். நீங்க என்ன நினைக்கிறீங்க?

சரி... நான் ரெடி.... நீங்க ரெடியா ??

ஒரு நிமிஷம்... நானும் தமிழ்ல்ல யுனிக்கோட் முறையில எழுதறதுக்கு உதவி செஞ்ச நண்பர் சங்கருக்கு நன்றி சொல்லிக்கறேங்க.

சங்கர் அண்ணே ரொம்ப டேங்க்ஸ் :)